Një grua është gjetur pa shenja jetë në një shtëpi në Prishtinë.

Zëdhënësja e Policisë së Kosovës për rajonin e Prishtinës, Flora Ahmeti e ka konfirmuar këtë për arbresh.info.

Ajo ka thënë gjithashtu se viktima është M.I. 39 vjeçe.

“Sot rreth orës 15:00 policia ka marrë informatën se në rrugën “Demë Ahmeti” ne Prishtinë, saktësisht në një shtëpi, gjendet një person pa shenja jete. Me të marrë informatën policia ka dalë në vendin e ngjarjes me ç’ rast ka hasur viktimën femër M.I. 39 vjeç, e cila ishte pa shenja jete. Vdekjen e viktimës e ka konstatuar ekipi mjekësor në vendin e ngjarjes”, ka thënë ajo.

Ahmeti ka shtuar gjithashtu se trupi i pajetë është dërguar për obduksion ndërsa rasti është cilësuar si vdekje e dyshimtë.

“Me vendim te prokurorit të shtetit, trupi i pajetë i viktimës është dërguar për obduksion, ndërkohë që njësitet policore janë duke u ndërmarrë të gjitha veprimet e nevojshme në përpjekje për të ndriçuar dhe sqaruar plotësisht rrethanat në të cilat ka ndodhur ky rast i cili është cilësuar si vdekje e dyshimtë”, ka përfunduar ajo.